Kom, sjaa eit Barn paa Kyrkjeveg

1 Kom, sjaa eit Barn paa kyrkjeveg,
Som upp til Sion stundar!
Sjaa, Jesus med Foreldri dreg
Og til Guds Hus seg skundar.
So hjarteglad han fylgjer deim
Som Barnet, naar det lengtar heim
Og traar til Faderhuset.

2 So sæl er ingen Stad paa Jord
Som Sions vigde Grunnar.
Med Lyst han lyder til Guds Ord
Fraa vise Lærar-Munnar.
Han spurde deim og gav deim Svar,
Som Vitne um hans Visdom bar,
So alle maa seg undra.

3 Til Nasaret han atter for
Og lydug var og trugen.
Der var hans Heimstad her paa Jord,
Men himmelvend var Hugen.
Og som han Aar og Alder vann,
Han Ynde fann hjaa Gud og Mann
Og vaks i heilag Visdom.

4 Kom her, Foreldre, kom og sjaa,
Kvat de skal alle gjera:
At dykkar Born de tidleg maa
Til Herren Vegen læra
Og til hans Kyrkja leida deim,
So der dei finn ein Barneheim
So kjær som Faderhuset.

5 Ja, jesus, lær vis fylgia deg
Paa Ferdi til din Fader!
Og fylg du oss paa Kyrkjeveg,
So framfyr alle Stader
Me gjerna der med deg vil bu
Og veksa i vaar Barnetru
Og Visdom av deg læra!

Source: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg: Kirkesalmeboger og Almedigter af Biskop J. N. Skaar, med 79 portræter, og Kirkemusiker og Kirkemusik... #664